The Testament of John Lydgate: British Library Additional 34193 Verses

Data Dictionary

Folio 228 Recto

Compare Witnesses: •

Thys tyme were named of grenesse •
Tyme of Ioye of gladenesse and disporte •
Tyme of growynge chefe moder of ffresshenesse •
Tyme of Reioysnige ordynied for comfort •
Tyme whane tyme makieth his resorte •
In gresse marche toward ariete •
Oure Emyspery to gladen with his hette •

With seasoun prikitħ fresshe corage •
Reioysieth bestis walkynge in þer pasture •
Causieth Birddys to synge in here cage •
Whene bkide renewithe in euery creature •
Some observaunce doynge to nature •
Withe of verry trouthe is callied cheefe princes •
And vndir gode ther wordely empresse •

And for this lusty Sesoune agreable •
Of gladnesse hathe So gret avayntage •
Be convenient Resone fułł notable •
There to fułł welle resembled childis age •
Quyk grene fressh and delyuered of corage •
ffor as verry age northe nvrrissieth in grenesse •
So dothe childirhode In amerus lustynesse •

This quickynge Seasouns mutrified and gude •
To his nature hathe . ii1 qualitees •
Of hote and moste wiche longe also to blode •
In ther ascencion vpwarde by degreys •
Of kyndely thyngis the wiche propertees •
Of naturałł hette and temperałł mosture •
Rekened in Childehode xiiii2 yere doth endure •

Notes

The scribe appears to have placed the punctus to indicate a numeral as opposed to letters, but neglected to place the punctus to conclude the numeral. ↩

The EETS edition has xiii, but the manuscript here renders it as "xiiii." ↩