Beholde o man lift vp thy eye and se
•
What mortal peynes / I suffre for thy trespas
•
With pitous voyce / i crye and sey to the
•
Beholde my woundes / behold my blody face
•
Beholde the rebukes / that doth me so manace
•
Beholde my enemyes / that doth me so dispise
•
A how that I / to refourme the to grace
•
Was like a lambe / offred in sacrifice
•
¶
Beholde the peynemes / of whom I was take
•
Beholde the cordis / with whiche I was bounde
•
Beholde the temnres / which made myn hert quake
•
Beholde the gardeyn / in whiche I was founde
•
Beholde how Iudas / toke .xxx. penyes Rounde
•
Beholde his traison / beholde his covetise
•
Beholde how I with many a mortal wounde
•
Was like alamb offred in sacrifice
•
¶
Se my disciple / which that hath me solde
•
And se the money / which he hath tolde
•
And se his kyssyng / of false decepcioun
•
Take as a thief / with lanternys in ther guyse
•
And aftir warde / for mannys redempcioun
•
Was like alamb / offrid in sacrifice
•
¶
Beholde to Cayphas / how I was presented
•
Beholde how Pilat / list gyve me no respite
•
Beholde how bisshopis / were to my deth assentid
•
And se how herawde / hadde me in dispite
•
And like a foole / how I was clad in white
•
Drawen as a felon / in most cruel wise
•
And last of alle / I after theyr delite
•
Was like a lamb / offrid in sacrifice
•