The Testament of John Lydgate:
British Library Harley 2251 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 41 Recto
Compare Witnesses: •
¶
Beholde the spere most sharply / ground and whet •Myn hert wounded / vpon the Right syde •
Beholde the Reede spere / Galle and eysel set •
Behold the scornyng / which I dide abyde •
And my fyve woundys / that were made so wyde •
Whiche noman liste / of rewth to aduertise •
And thus I was of mekenes ageynst pryde •
Ffor mannys offence / offrid in sacrifice •
¶
Se my disciples / how they han me forsake •And fro me fledde / almost euerichon •
Se how they slept / and list nat with me wake •
Of mortal drede / they left me allon •
Except my moder / and my cousyn seynt Iohnn •
My deth compleyneng / in most doolful wise •
Ffor mannys offence / whan I dide sacrifice •
¶
Se how I was / Iuged to the deth •Se Baraban gon / at his liberte •
Se how with a spere / longnis me sleth •
Beholde two licours / distillyng downe from me •
Se bloode and water / be merciful plente •
Raile be my sides / whiche ought suffice •
To man / what I vpon the Roode tre •
Was like a lamb / offred in sacrifice •
¶
Beholde the knyghtis / whiche be theyr frowarde chaunce •Satte for my clothis / atte dyse to pleye •
Beholde my moder / swounyng for grevaunce •
Vpon the crosse / whan she saugħ me deye •
Beholde the sepulcre / in whiche my bones leye •
Kept with stronge waccħe / til I did a rise •
Of helle gatis / se how I brak the key •
And gaf for man / my bloode in sacrifice •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.