a picture of John Lydgate with the initials of the website
Quis Dabit Meo Capiti Fontem Lacrimarum:
British Library Harley 2255 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.67 recto
Folio 66 VersoFolio 67 RectoFolio 67 VersoFolio 68 RectoFolio 68 VersoFolio 69 RectoFolio 69 Verso

Decoration
Download XML
Data Dictionary
Folio 67 Recto
Compare Witnesses: •
Who shal of wepyng / gif me suffisaunce •
or to my sobbyng / who shal me teerys fynde •
to see my Ioye / myn hertys high plesaunce •
my soote sone / that was to me so kynde •
Rayled with reed blood / as sap doth thorugh þe rynde •
thoruh his enmyes / vengable crueltee •
derkenyd with deeth / his eyen now maad blynde •
attwix too theevys / nailed to a tree •
My Ioye / my light / my lanterne moost enteere •
This heuenly phebus / is clipsid of his light •
This Esperus / hath hid his beemys cleere •
And is of newe / certeyned fro my sigħt •
whan shal his day sterre / shewe me his bemys bright •
to cleere the trouble of myn adversitee •
parde the Iewys don me to gret vnright •
to nayle my sone / allas vnto a tree •
O alle ye doughtren of ierusaleem •
Ha som compassioun / on my sighghes deepe •
nat lik the gladnesse / which I had in Bedleem •
cometh neer of routhe / & helpith me for to weepe •
a swerd of deth doth thorugh myn herte creepe •
I feele it ful weel / of moodirly pitee •
Craunpisshed / with swownyng I do sleepe •
To see my sone / thus nailed to a tree •

Creative Commons License
Except where otherwise noted, this work is licensed under a Creative Commons Attribution-NonCommercial-ShareAlike 4.0 International License.