Quis Dabit Meo Capiti Fontem Lacrimarum:
St. John 56 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 73 Verso
Compare Witnesses: •
Quis dabit capiti meo fontem lacrimarum ؛
•
Who shall yeve / to myne heed a welle
؛ •
Off bytter teers / my sorowes to compleyne ؛ •
Of a grete condwyt / of trubly waters felle ؛ •
Doun to stylle / fro myne eyen tweyne ؛ •
To schewe the constreynt / of my dedly peyne ؛ •
Whan I allas / behyld and dede see ؛ •
My dere soone blede / in euery veyne ؛ •
A twene too þeues / nayled to a Tree ؛ •
Who schall of wepynge / yeve me suffysaunce ؛ •
Or to my sobbyng / who schall me teeres fynde ؛ •
To see my ioye / myne hertis hygh plesaunce ؛ •
My swete sone / that was to me so kynde ؛ •
Rayled with reed blood / as sappe þorough þe rynde ؛ •
Thorough his en enemyes / vengeable cruelte ؛ •
Derkened with dethe / his eyen nowe maad blynde ؛ •
A twen too þeuys nayled to a tree ؛ •
My ioye / my light / my lanterne most entere ؛ •
This heuenly phebus / ys clypsed of his lyght ؛ •
This esperus / hath hyd his beemys cleere ؛ •
And ys of newe / consteyned fro my syght ؛ •
Whan schall this day sterre / schewe his beemys bryght
؛ •
To clere the troble / of myne aduersyte ؛ •
Pardee the Jewes / doon to me gret vnryght •
To nayle my sone / allas / vnto a tree ؛ •
O alle the doughtren / of Jerusalem ؛ •
Havethe som compassioun / of my sighes depe ؛ •
Nat lyke the gladnesse / whiche I had in bedleem ؛ •
A swerd of deethe / doth þorugh my herte crete ؛ •
I feel yt wele / of moderly pytee ؛ •
Crampysshed with dethe / swownynge I do slepe ؛ •
To see my soone / þus nayled to a Tree ؛ •
O gentyll princesses / and ladies of estate •
And ye vyrgenys / in youre entent moost clene ؛ •
To yeve comfort / that stond all desolate ؛ •
Renneth the a paas / to see þe … woundes grene ؛ •
Off youre trewe spouse / of bledyng pale and lene ؛ •
And aduertysethe / and haue nowe rewthe on mee •
ffeynt for to stonde / for how schulde I sustene ؛ •
To see my soone / þus nayled to a Tree ؛ •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.