Quis Dabit Meo Capiti Fontem Lacrimarum:
St. John 56 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 74 Verso
Compare Witnesses: •
Ayen the gyse / of kynges riche crownes •
My dere sone weryd / a crowne of thornis ؛ •
Off gold and perle / ageyne ther statly gownes •
Ageyne ther rydynge / grete meyne them beforne ؛ •
My sone on fote / hathe his crosse I borne ؛ •
Ageyn your soffte pasis / sore drevyn was hee ؛ •
All for mankinde / that for synne was borne ؛ •
He poore and nakyd / was nayled to a tree ؛ •
Ageyne the beddys / statly hygh and sofft ؛ •
Off wordly princys / with pylows for ther heed ؛ •
Vppon þe roode / my soone was lyfft on lofft ؛ •
With blody [?] / his mantell maad all reed ؛ •
Marked with a spere / and for mankynd deed ؛ •
And growerched no þing / thorough his humylte
؛ •
To me noone eese / what þat I took hede ؛ •
And saugh my sone / þus nayled to atree ؛ •
ffor Adam ys synne / þus was .. my sone slayne ؛ •
Thorough þe olde serpent / be thassent of eue ؛ •
Hyr name turned / ther thraldam to releue •
And gabrell cam / my meknesse . for to preue ؛ •
Sent be oon accord / of all the Trynyte ؛ •
But full soore afftyr / he dede myn herte greue ؛ •
Whan I my soone saugh / nayled to a tree ؛ •
ffor manys loue / he faught a grete batalye ؛ •
Lyk myghty sampsoun / with out on plate or mayle ؛ •
In hys stronge fyght / he stranglyd þe lyoun ؛ •
That was my sone / mankyndys campioun ؛ •
Thorough this moost myghty / magnanymyte ؛ •
As kyng and bysshop / made his oblaciounn ؛ •
Vppon the hygh auter / of þe roode tree ؛ •
My sones suffraunce / to Sathan was grete wrake ؛ •
Whos gret meknesse / dede I nowgh suffyse ؛ •
Clerly fygured / whann þat Isaac ؛ •
Was be his ffadyr / offryd in sacryfyce ؛ •
Nat dys obeying / in no manere wyse ؛ •
But lyke an vmble lamb / þat tyme dyde agryse ؛ •
But moost myn herte / þat tyme dyde agryse ؛ •
Whan I fyrst saugh / hym . nayled to a tree ؛ •
He myght be called •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.