a picture of John Lydgate with the initials of the website
Quis Dabit Meo Capiti Fontem Lacrimarum:
British Library Harley 2251 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.42 verso
Folio 42 VersoFolio 43 RectoFolio 43 VersoFolio 44 RectoFolio 44 Verso

Decoration
Download XML
Data Dictionary
Folio 42 Verso
Compare Witnesses: •
Quis dabit capite meo fontem lacrimarum1 •
Who shal gyve · vnto my hede a welle •
Of bitter teeris · my sorw to compleyne •
Of a grete conduyte · of troubly waters felle •
Donne for to stille · fro my moyst eyen tweyne •
To shew the constraynt · of my dedly peyne •
Whan I allas · bihold and did se •
My diere sone bleede · in euery veyne •
A twene two thiefis · nayled to a tre •
Who shal of wepyng · give me suffisaunce •
Vnto my sobbyng · who shal my teris sprede •
To se my joye · my hertis higħ plesaunce •
My swete sone · that was to my so kynde •
Rayled with reede bloode · as sap dotħ thurgħ þe rynde •
Thurgħ his enemyes vengeable cruelte •
Dirked with deth · his eyen now made blynde •
A twene two theves · nayled to a tre •
My joye my ligħt · my lanterne most entier •
This hevenly phebus · is clipsed of his ligħt •
This Esperus · hatħ hidde his beames clere •
And is of new · certeyned fro my sigħt •
Whan shal this day sterre · shewe me his beames brigħt •
To clere the trouble · of myn aduersite •
Parde the jewes · done to me to grete vnrigħt •
To nayle my sone · allas vnto a tre2 •
O alle ye doughtres · of Jerusalem •
Have some compassioun · of my sigħes depe •
Nat lyke the gladnes · whicħe I had in Bedlem •
Cometh now of rewth · and helpe me for to wepe •
A swerd of deth · doth thurgħ myn hert crepe •
I fele it wele · of ful modirly pite •
Notes
  1. There are two dots to the left of each letter where a paraph mark should be placed by the rubricator. ↩
  2. The guide dots have been placed in the wrong location by the scribe, and the rubricator follows suit. ↩

Creative Commons License
Except where otherwise noted, this work is licensed under a Creative Commons Attribution-NonCommercial-ShareAlike 4.0 International License.