Quis Dabit Meo Capiti Fontem Lacrimarum:
British Library Harley 2251 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 44 Recto
Compare Witnesses: •
With blody purple · his mantel al rede •
Marked with a spere · and for mankynd dede •
And grucchid nothyng · thurgħ his humilite •
To me none ease · whan that I toke heede •
¶
And saugħ my sone · thus nayled to a
tre •ffor Adams synne · thus was my sone slayne •
Thurgħ the olde serpent · by tassent of Eve •
What thurgħ my mekenes · mankynd was made fayne •
Hir name Torned · theyr thraldom to Releve •
And gabryel cam · my mekenes for to preve •
Sent by oon accord · of al the Trynite •
But ful fore after · it dide me greve •
Whan I my sone · saw nayled to a tre •
¶
ffor mannys love · he faught a grete
bataile • With his .vii. hedys · outraiyed the dragon •
Like mygħti Sampson · without plate or mayle •
In his stronge fight · he straungled the lyon •
Thus was my sone · mankyndes champion •
Thurgħ his most · mygħti magnaminyte •
As kyng and bisshop · made his oblacioun •
Vpon the higħ auter · on the roode tree •
¶
My sones suffraunce · to Sathan was
grete wrake • Whos gret mekenesse · did inough suffice •
Clierly figured · whan that isaak •
Was by his fadir · offred in sacrifice •
Nat disobeyeng · in no maner wise •
But like a lamb · of lownes list nat flee •
But most myn hert that tyme dide agrife •
¶
Whan I first saugħ hym · nayled to a
tre •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.