Quis Dabit Meo Capiti Fontem Lacrimarum:
British Library Harley 2251 Verses
HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization
Folio 43 Verso
Compare Witnesses: •
Out of his thraldom · to make the go fre •
With many mo woundis · than any man can nevene •
Whan at caluarye · was nayled on a tre •
Thougħ I ful oft · swoune for greuaunce •
Was ever moder · outher here or yonder •
That for hir chield · felt more penaunce •
Myn Inwared sorwes can fynde allegeaunce •
Eche houre rennyng · it wil nonother be •
Whan euer it comyth · to my remembraunce •
How that my sone · was nayled to a tre •
¶
The lemys fieble · vpon my feete to
stonde • Whan I allas · considre and byhold •
This pitous matier that we have on hond •
fful litel marvule · thougħ myn hert cold •
Myn handis crampissħ · I may them nat vnfold •
To gon vpright · I have no foote nor kne •
My peynes passe · al tormentis newe and old •
To se my sone · thus nayled to a tre •
¶
Geyne the guyse · of kynges riche
crownys • My dere sone wered · a crowne of thorne •
Of golde and perle · agayn theyre statly gownys •
Ageyne theyr ridyng · grete meyne them beforn •
My sone on foote · hath his crosse I borne •
Ageyne theyr feetis · of stonys and pesse •
And for mankynde · that was thurgħ synne lorn •
He poore and nakyd · was nayled to a tre •
Except where otherwise noted, this work is licensed under a Creative Commons Attribution-NonCommercial-ShareAlike 4.0 International
License.