a picture of John Lydgate with the initials of the website
A Mumming at Eltham:
Trinity R.3.20 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.19 verso
Folio 19 Recto (Page 37)Folio 19 Verso (Page 38)Folio 20 Recto (Page 39)Folio 20 Verso (Page 40)

Decoration
Download XML
Data Dictionary
Folio 19 Verso (Page 38)
Compare Witnesses: •
ɲ
Þe maner of a mommynge •
✧
ɲ
Bachus whicħ is god of þe glade vyne •
Iuno and Ceres acorded alle þeos three •
Thorugħe þeyre power / whicħ þat is devyne •
Sende nowe þeyre gifftes / vn to your magestee •
Wyne, whete and Oyle / by marchandes þat here be •
Wheeche Represent vn to your hye noblesse •
Pees witħ youre lieges plentee and gladnesse •
ɲ
ffor þeos gifftes / pleynly to descryve •
Wheche in hem self designe al souffisaunce •
Pees is betokened by þe grene olyve •
In whete and oyle / is foulsome haboundaunce •
Wheche to youre hyenesse / for to do plesaunce •
Þey Represente nowe to youre1 hye noblesse •
Pees witħ youre lieges / plentee witħ gladnesse •
ɲ
Ysaak þe patryark ful olde •
Gaf his blessing witħ ħis gifftes three •
Vn to Iacobe in scripture it is tolde •
Genesis yee may hit reede and see •
And semblabully þe hooly Trynytee •
your staate blessing / sent to youre hye noblesse •
Pees witħ youre lieges / plentee witħ gladnesse •
ɲ
In þe Olyve / he sendeþe to yowe pees •
þe lord of lordes / þat lordshipeþe euery sterre •
And in youre Rebelles / wheche beon now reklesse •
He stint shal of Mars þe cruwel werre •
And þane youre renoun shal shyne in londes ferre •
Of youre two Reavmes2 / graunting to yoour noblesse •
Pees witħ youre lieges / plenteee and gladnesse •
ɲ
ffor mars þat is mooste furyous and woode •
Causer of stryff and desobeyssaunce •
Shal cesse his malice / and god þat is so goode •
Of vnytee shal sende al souffysaunce •
He ioyne þe hertes of England and of ffraunce •
Bassent of booþe / sent to yoour hye noblesse •
Pees witħ your lieges / plentee witħ gladnesse •
Notes
  1. MacCracken has "Houre" here in the 1961 reprint. That may be a typographical error, as both this manuscript and Britiah Library Additional 29729 have variations of "your" here. Sponsler rightly notes "youre." ↩
  2. British Library Additional 29729 has "realmes" here, which is correct. The error on the part of the EETS edition based on this witness is understandable, though, as the fourth glyph does look similar to "v" elsewhere in the witness (see "vyne" and "devyne" in the first and third likes at the top of the page, for example, as well as "avoyding" in line four of verse 8). ↩

The work on this manuscript witness was generously sponsored by a ZKS-Lendrum Fellowship in the Scientific Study of Manuscripts and Inscriptions at the Institute for Medieval and Early Modern Studies at Durham University. The transcription of this work is owned by the editor and licensed under a Creative Commons Attribution-NonCommercial-ShareAlike 4.0 International License. The images are owned by the Wren Library at Trinity College, Cambridge and are provided under a Creative Commons Attribution-NonCommercial 4.0 International License.