ɲ
Nexst in ordre / þis Bochier
stoute and bolde
•
Þat killed haþe bulles and boores olde
•
Þis
Berthilmewe for al his
broode knyff
•
Yit durst he neuer witħ his sturdy wyff
•
In no mater holde chaumpartye
•
And if he did / sheo wolde anoon defye
•
His pompe his pryde witħ a sterne thougħt
•
And sodeynly setten him as nougħt
•
Þougħe his bely / was rounded lyche an ooke
•
She wolde not fayle / to gyf þe first strooke
•
ffor proude pernelle lyche a Chaumpyoun
•
Wolde leve hir puddinges / in a gret Cawdroun
•
Suffre hem boylle / and taake of hem noon heede
•
But witħ hir skumour reeche him on þe heued
•
Shee wolde paye him and make no delaye
•
Bid him goo pleye him a twenty deuel wey
•
She was no cowarde founde at suche a neode
•
Hir fist ful offt made him cheekes bleed
•
What querell euer / þat he agenst hir sette
•