a picture of John Lydgate with the initials of the website
A Mumming at Hertford:
Trinity R.3.20 Verses

HomeAbout the ArchiveAbout John LydgateWorksManuscriptsAbout this ManuscriptEditorial ApparatusContactVisualization

f.22 verso
Folio 20 Verso (Page 40)Folio 21 Recto (Page 41)Folio 21 Verso (Page 42)Folio 22 Recto (Page 43)Folio 22 Verso (Page 44)Folio 23 Recto (Page 45)Folio 23 Verso (Page 46)Folio 24 Recto (Page 47)Folio 24 Verso (Page 48)

Decoration
Download XML
Data Dictionary
Folio 22 Verso (Page 44)
Compare Witnesses: •
ɲ
Þe desgysinge for þe Kynge •
She cast hir not / to dyen in his dette •
She made no taylle / but qwytt him by and by •
His quarter sowde / she payde him feytħfully •
And his waages / with al hir best entent •
She made þer of noon assignement •
ɲ
Eeke Thomme Tynker witħ alle hees pannes olde •
And alle þe wyres of Banebury þat he solde •
His frytħ1 his hamour his bagge portatyf •
Bare vp his arme / whane he faugħt witħ his wyff •
He foonde for haste / no better bokeller •
Vponn his cheeke / þe distaff came so neer •
Hir name was cleped Tybot Tapister •
To brawle and broyle / she nad no maner for •
To thakke his pilche / stoundemel nowe and þanne •
Thikker þane Thomme / koude clouwten any panne •
demonstrando •
þe Tynker •
ɲ
Nexst Colle Tyler ful hevy of his cheer •
Compleyneþe on phelyce his wyff þe wafurer •
Al his bred witħ sugre nys not baake •
yit on his cheekis / some tyme he haþe a caake •
So hoot and nuwe or he can taken heede •
þat his heres Glowe verray reede •
ffor a medecyne whane þe forst is colde •
Making his teethe to Ratle þat beon oolde •
ɲ
Þis is þe compleynt / þat þeos dotardes2 oolde •
Make on þeyre wyves þat beon so stoute and bolde •
Þeos holy Martirs preued ful pacyent •
Lowly beseching in al hir best entent •
Vn to youre noble ryal magestee •
To graunte hem fraunchyse and al so liberte •
Sith þey beoþe fetird / and bounden in maryage •
A saufconduyt to sauf him frome damage •
Eeke vnder support3 / of youre hyegħe Renoun •
Graunt hem also / a proteccyoun •
ɲ
Conquest of wyves / is ronne thorougħe þis lande •
Notes
  1. The EETS edition as "styth" here, but the shape of the glyphs and comparison to BL Add. 29729 supports "fryth." ↩
  2. The second glyph of this word appears to have originally been an "a" based on the upper portion of the letter form when compared with the "a" glyphs in the prior stanzam, but has been corrected to an "o" after the fact. ↩
  3. The long descender on the "r" in this word appears nowhere else in this witness. ↩

The work on this manuscript witness was generously sponsored by a ZKS-Lendrum Fellowship in the Scientific Study of Manuscripts and Inscriptions at the Institute for Medieval and Early Modern Studies at Durham University. The transcription of this work is owned by the editor and licensed under a Creative Commons Attribution-NonCommercial-ShareAlike 4.0 International License. The images are owned by the Wren Library at Trinity College, Cambridge and are provided under a Creative Commons Attribution-NonCommercial 4.0 International License.